Las cendres

Las cendreis

Et lhun d'aqueitous jours, pousseiro tournarai.
Lo vido lo plus longo ei coumo lo fumeiro,
Ieu mai, caraviro per l'auro, passarai.

Per nous chuda, lo mort a l'espero nous quaillo.
Quand badéroux lous eux, illo marqué moun cros.
De la terro venen, à la terro nous baillo :
Sabiou v'ount ei le caire ont roujaro mous os !

Me voudiou be para, m'eichapa, ma debado !
La mort acampo tout, bés, petiots, joueineis, vieux.
Coumo me boutero, la viauso deicharnado ?
Me jalaro le coeur, me cavaro lous eux.

Choudro dhin moun chancel eicoundre ma carcasso
Per ce que falhio peuro et sentilho pas bo.
Quaucas pallas de terro et chacu se ramasso.
Co ei l'ouro de lous vers, ouai, sabe tout aco.

A ! la mort, de mous plours, s'ei, gouludo, abiourado !
Sount arpio dhin moun coeur s'ei pingado prigound !
M'a tant prei de tailhous sans pouir être assapado
Que dejo shou per meito ount tant de mieneis sount.

Ouai, m'a tant eisurpio d'aquellous que m'améran
Que, ma fi, sabe pas perque me laisso aqui.
Lo sabo mounté mhin quand illous s'enanéran
E me trobe denpei cage arrancho d'ichi.

No, no, v'ou eicheuble pas, moun Dheù, chou ma pousseiro,
Ma choujido per vous, v'ou eicheuble pas nhi mai.
Quand l'auguéra briado et patado en premeiro,
Votre bouffe y bouté l'âmo que vous retrai.

Avia fo l'homme rey de la terro flourido,
Vous mêmo érei counten. Et que l'homme ero heiroux.
Ma dhin le paradis ount s'eibandio la vido
Le diable vegué l'homme et n'en segué jaloux.

De que ? Per tout le chia la terro eissouliado !
Dheù bien amo de l'homme, et l'homme sans eimai !
Et le diable veilho bounheur, accor, brassado
Sans bouta le dhivorso !! Aco d'aqui, jamai !!

Ah ! l'idéhio dou mau brulo meu que la flammo !
Et le diable, a salir l'obro de Dheu, s'apount.
L'homme, pauro foutrau, petafiné son âmo,
Deifrugo l'hort et l'abre ount roujilho le poun.

Le malheur nous ajouno ! Ah! la crohio journado
Que vegué de lous eux tomba lous premiers plours !
Et d'eipai lo suzour a moulhio touto arado
Et l'homme trobo meu d'eipinas que de flours !

Grapinan per lours shuts, davalan per las rasas,
Le pêcho ané floutri lous coeurs, lou ravaja
Peu, la mort enchaplé soun dai per la silhasas,
Et le diable digué : co ei le co d'eigranja.

Eigrangho be que trop, 'quello bestio einrajado !
Et pamin ! ché venghu shu notro terro, un jour.
Dhin votre sang, moun Dheù, notro âmo s'ei lavado.
Nou chougué votro crou per nous rendre l'hounour.

Nous avé deipeitos : de bado ! mêmo avouro
Quand chot segre la rilho, et be ! moun coeur ei frei.
Le pecho shu mous eux fai passa nhaulo et bourro
Mai que d'un cop, Moun Dheu, le traver m'ei l'adrei.

Ché le rayou bien clar que donno shu moun âmo.
Ma per ce que dhin hieu fioquo un petit chalei,
Que quauquo âmo, bilhau se viro dé sa flammo,
Ah ! moun Dhieu, que de cops me shous credu soulei.

Soulei ? Pauro foutrau ! Que pensei dire et faire ?
Co ei le diable que trêvo, aya pithia de hieu !
Beila me de trabai dhin quauque pethi caire
Et bien de jounto vous, reduzé me, Moun Dhieu.

Aya pethia, Moun Dhieu, de la pauro poussairo
Que l'aurice dou pecho eicarvercho pertou.
Bada botreis dous bras et sous gras, à partairo
Veindran coumo agnelous, le sero, en lhou pardzou.