Chasa-Dieu: Las originas de l’abadiá

Lo davant

L'Abadiá de la Chasa-Dieu seguèt fondada elh mèi delh sègle XI per Robert de Turlande. Aquela abadiá s’inscriguèt dins la règla benedictina e dins un movement espiritual onte pauretat e vida ermitica èran promogudas.

Elh mèi delh sègle XII, la Chasa-Dieu èra l’abadiá màger de l’òrdre benedictin, après aquela de Cluny. En 1168, sas dependéncias comptavan 9 abadiás, 2 monastèris e benlèu 300 priorats.

Lo Papa Clemenç VI faguèt bastir l’abadiá actuala per i botar sa seboutura. L’obratge commencèt en 1344 et seguèt quasi completament achabat en 1352 quand lo papa moriguèt. Lo bastiment novèl prenguèt la plaça de l’ancian; mas chaupuguèt chavar dau costat èst, e anautar lo nivèl de l’autre latz. Hugues Morel, que trabalhava mais elh Palais d’Avinhon seguèt encharjat de l’obratge.