País de Beaus
Jean-Marie Pontvianne est né à Beaux (Haute-Loire) le 28 juillet 1871 et est décédé à Béziers le 7 novembre 1951.
Il fût religieux franciscain sous le nom de Père Mathieu, d'abord au Canada.
Ce poème exprime sa nostalgie pour le pays de son enfance. Il s'agit ici d'un extrait.
retranscrit par Didier Grange
País de Beaus
País de Beaus, quand te tornarai veire !
Ai tant patit dempuèi que t'ai quitat
Me'n vau morir sans te poire reveire;
Adieu país ! t'aurai tant regretat.
Anuèit aumins voudrió chantar ta gloara ;
Mas, pauc sabent, lo farai ben tròp mau !
Mon Dieu, aida-me a celebrar totara
Mon cher país, país de Beaus.
La nuèit, lo jorn, pense ab aquela vila,
A sos chamins venent de tots los latz,
Aus abitants que son pas mins de mila;
Vèse d'aicí sas tèrras e sos prats,
E ma maison 'quí ont passèit ma joinessa,
E tant d'endreits enquinamont d'ennaut;
N'eissòble ren, mai ma melhor tendressa
A tots moments se'n vai vès Beaus.
Mas sabètz pas çò que surtot m'agrada
En mon país ? Aquò es sa Religion.
Los esprits fòrts pòdan bramar, dembada !
Los laissa dire e fai sas devocions
Si lès anatz, sonhatz sa bèla glèisa,
La trobaretz genta en bas coma en naut;
Tot estrangièr d'admiracion se tèisa
En la vesent, quand vai vès Beaus.
Me sembla ausir sa genta e gròssa clòcha,
Coma la clossa apèla sos pouzins ;
Se ven lo monde en tota la parròcha
Que s'adusan de tots los vilatges
De Malpertús, Gòrça, Arzilhac, Vaunèira,
Malatavèrna, arriban a chaa pauc,
Bergèr, Coren, Fontbòna, Rancha e Pèira
Se despachan, tots van vès Beaus
Texte édité à San Remo
Païs de Biaou
Païs de Biaou, quand te tournarei veire !
Ei tant paqui dempèi que t’ei quitta
M’en vaou mouri sans te pouire reveire ;
Adièou païs ! t’aourèi tant regretta.
Aneuit oumin voudriou tsantà ta glouàra ;
Mas, paou sabent, le farèi be trop maou !
Moun Diéou, eidà-me à celebrà tout-àra
Moun cher païs, païs de Biaou.
La neuit, le dzour, pense ab aquella vila,
A sous tsamis venant de tous lous làs,
Ous abitans que sount pas mins de mila ;
Vèse d’eichi sas terras e sous prats,
E ma meisou quioun passei ma dzeuinessa,
E tant d’endrits enquinamoun d’en naou ;
N’eicheuble re, maï ma millour tendressa
A tous moumens s’en vai vés Biaou.
Mas sabés pas ço que churtout m’agràda
En moun païs ? aco-ei sa Religiou.
Lous esprits forts pouodan bramà, dembada !
Lous leissa guire e fait sas devouchous.
Che les anas, sougnas sa bella ièisa,
La troubarés dzenta en bas coume en naou ;
Tout eitrangié d’admirachiou se tèisa
En la vesen, quand vai vès Biaou.
Me semblo ougi sa dzenta e grossa clotsa,
Couma la cloussa appéla sous pougis ;
Se ve le mounde en touta la parotsa
Que s’addiusan de tous lous viladzîs :
De Malpertiû, Gorça, Arzia, Vounèira,
Malataverna, arriban à tsà paou,
Bergé, Coure, Founbona, Rantsa e Pèira
Se deipatsan, tous van vès Biaou.
