Chasa-Dieu: La claustra e la chapèla daus penitents

La claustra de La Chasa-Dieu a conservat dos latz solets : aquelh delh nòrd que baila accès a la glèisa, e aquelh de l’oèst.
Òm pòt mas imaginar çò qu’èran lo dos autres costats : aquelh delh sud arranda lo refectòri, e aquelh de l’èst vas lo dormitòri e las cèlas ; aqueles d’aquí seguèran destruts per lo fuòc pauc de temps davant la Revolucion, puèi per vandalisme mais.
Bastida elh sègle XV e achabada per l’abat
Jacques de Saint-Nectaire pendent elh sègle seguent, aquela claustra d’estile gotic remplaça l’anciana claustra romana vouguda per Sant Robèrt.
Elh caire sud-oèst, òm vei lo lavabo que soliá servir per las ablucions daus monges davant que se saquèssan (entrèssan) dins lo refectòri que òm vei amais la pòrta.
A l’entrada d’aquela sala de minjar, pòdon encara véser las pèiras de las chaminèias (fornèls) de las cusinas. Lo refèctori es vengut, elh sègle XIX, la chapèla daus Penitents.